Gunelin dediyinegore, guya müğənni Natavan Həbibi Günelin paltarlarını geyinir. Əslində bu sözləri müğənni Günel özü deyir. Bunlara əhəmiyyət verməyən Natavan Günelə heç bir cavab vermək istəmədi. Söylədi ki, onun haqqında nəsə söyləsə, qızcığaza reklam olar. Lakin Natavanın yaxın dostu olan Zorik isə sakit durmadı. 

«Mən sizin saytda həmin informasiyanı oxuyanda çox əsəbləşdim. Həmin an Günelə zəng vurdum soruşum ki, niyə sizin müxbirə yalan danışıb? Lakin Günel telefon zənglərimə cavab vermək əvəzinə, mənə etikadan kənar mesaj göndərdi. Onun belə üzlü hərəkətindən sonra qərara gəldim ki, bu xəbərin yalan olmasını oxuculara çatdırım. Günel artıq iki ildir ki, mənə yalvarır ona klip çəkim. Əvvəl vaxtım olmadı. Daha sonra razılaşdıqdan sonra ortaya maddi problemlərlə yanaşı, geyim söhbəti çıxdı. Paltar tikən tanışım vardı. Ondan xahiş etdim ki, 100 dollar dəyərində Günelə dörd dənə paltar tiksin. Bir neçə vaxtan sonra paltarın biri hazır oldu. Həmin paltarı hara gedirdisə geyinirdi. Hərçənd ki, həmin paltar klipdə geyinmək üçün nəzərdə tutulmuşdu. Sonra mənim dostlarım mənə dedilər ki, sən niyə ona ucuz qiymətə paltar tikdirirsən? Bəyəm onun pulu yoxdur? O, özünün reklamı üçün bütün kanallara neçə min dollar pul xərcləyir. Və məhz onda mən düşündüm ki, əgər bunun pulu varsa, niyə məni gic yerinə qoyur? Paltarın üçünü ona verdim. Dördüncünü isə yaxın dostum olan müğənni Natavan Həbibiyə hədiyyə etdim. O, həmin Güneldir ki, mənim dostumdan geyilmiş uzunboğaz çəkmələr alıb geyinirdi. Görəsən, niyə indi elə anlarını unudub? Güneldən fərqli olaraq hər kəs Natavan Həbibinin kim olduğunu bilir. Keçmişini yada sal, ay Günel! Öz yerini bil!»