Məlum olduğu kimi, Xalq artisti Tükəzban İsmayılova martın 4-də sol bud sümüyünün sınığı diaqnozu ilə Mərkəzi Kliniki Xəstəxanaya yerləşdirilib. Xəstəxananın stasionar xidmətlər və təcili yardım şöbəsinin müdiri Elxan Hacıyev T.İsmayılovanın səhhətinin sabit olaraq qaldığını bildirib.
Bu barədə “ANS-press” məlumat yayıb. Həkim bildirib ki, sənətçinin sağalma prosesi yaşı ilə əlaqədar olaraq bir qədər ləng gedir: “Tükəzban xanımın əməliyyatı çox uğurlu keçib. Sonra ağciyərində gedən ventilyasiya prosesi ilə əlaqədar həkimlər onu hazırda süni nəfəsalma aparatına qoşub. Amma öz nəfəsi də var”.