MeyxanaçıMeyxanaçı, müğənni və nəhayət, Aygün Kazımovanın duet ortağı Namiq Qaraçuxurlu bir müddət idi ki, ekranlarda görünmürdü. Namiqin əksinə olaraq Aygün Kazımova isə demək olar ki, hər gün efirdən gülümsəyir. Bu səbəbdən çoxları cütlüyün ayrıldığını güman edirdi.
   Lakin bu fərziyyələrin əksinə olaraq onlar 8 mart qadınlar bayramında efirdə birgə göründülər.
   Namiq Qaraçuxurlu isə verilişlərin birinə çıxıb köhnə ənənəsini davam etdirərək Aygün Kazımovanın mövqeyinə uyğun açıqlamalar verdi. Məsələn, bildirdi ki, Röyanı heç sevmir. Baxmayaraq ki, Röya sənətə gəldiyi gündən Namiqlə bir dəfə də olsun qarşı-qarşıya gəlməyib... Daha sonra meyxanaçı dedi ki, hətta Röyanın mahnılarını belə, dinləməyi arzulamır. Ona görə yox ki, Aygün Kazımova ona qadağa qoyub. Sadəcə, Namiq Röyanı yaxşı tanıdığı üçün bu arzusu yoxdur.
   Teleaparıcının “Nə vaxt evlənirsiniz” sualına meyxanaçı qımışaraq utanırmış kimi: “30 yaşımda toy edəcəm” cavabını verdi.
   Lakin az keçməmiş meyxanaçının hiyləsi aşkarlandı. Sən demə, Namiq ad günündə toy mərasimini birgə xatırladan bir yığıncaq keçirmək arzusundadır.  30 yaşında toy edəcək.