Qitənin ali futbol təşkilatının seminarı isə Bakıda keçirəcək .UEFA “Het-trik” proqramı çərçivəsində AFFA-ya yardım edəcək. 2008-ci ilin ikinci yarısında AFFA-nın büdcəsinə 2,5 milyon avro köçürüləcək. UEFA tərəfindən digər 52 milli assosiasiya da eyni miqdarda yardım olunacaq.
Yardım üçün lazımi məbləğ iyunda Avstriya və İsveçrədə keçiriləcək Avropa çempionatının gəlirlərindən ayrılacaq. AFFA-ya yardım edilən zaman məbləğin 20 faizinin sosial və kütləvi futbol proqramına xərclənməsi şərti irəli sürüləcək. Qalan vəsait isə infrastruktur, uşaq futbolunun inkişafı və marketinq və menecmentliklə bağlı seminarların təşkilinə xərclənəcək. 2004-cü ildən fəaliyyətə başlayan “Het-trik” proqramının ilkin mərhələsi bu il yekunlaşır. Növbəti mərhələ isə 2008-2012-ci illəri əhatə edəcək.
Bu arada məlum olub ki, UEFA “Het-Trik” proqramı çərçivəsində növbəti seminarını Bakıda keçirəcək. UEFA-nın üzvü olan milli federasiya nümayəndələrinin iştirakı ilə bu il aprelin 29-30-da keçirilməsi nəzərdə tutulan seminarda Avropa futbolunda media ilə bağlı təcrübə mübadiləsi aparılacaq, inkişaf yolları və əməkdaşlıq perspektivləri müzakirə oluncaq. UEFA bununla əlaqədar AFFA-nın müraciətini müsbət cavablandırıb. UEFA-nın belə bir seminarı MDB məkanında ilk dəfə olaraq Azərbaycanda keçiriləcək.
Sevdimali_Pervin