Fevralın 22-də Prezident Aparatında şikayətçi Yeganə Hüseynova damarlarını doğrayıb. Həmin hadisənin şahidi olmuş digər şikayətçi Dilşad Əliyevanın sözlərinə görə, Səbail Rayon Polis İdarəsinin rəis müavini Kamil Vəlişovun rəhbərlik etdiyi 15 nəfərdən ibarət polis qadını Prezident Aparatından çıxararaq naməlum istiqamətə aparıb: “Yeganənin iki uşağı var və qayınları onu yaşadığı evdən çıxarıblar. Artıq neçə müddətdir ki, o, Prezident Aparatının hüquq şöbəsinin müdiri Fuad Ələsgərovun qəbuluna düşmək istəyirdi...”
“...Həmin gün qəbul saat 14:00-da olmalı idi. Biz qəbula yazılarkən o, bura gəlib-getməkdən bezdiyini deyib təcili olaraq Fuad Ələsgərovun onu qəbul etməsini tələb etdi. Əks təqdirdə özünü doğrayacağını dedi. Lakin ona diqqət yetirən olmadı. Ona görə də cibindən ülgüc çıxarıb əvvəlcə ovcunu doğramağa başladı. Qanı axmağa başlayanda polislər onu qəbul otağından çıxarmaq istədilər. Lakin qadın Fuad Ələsgərovun qəbuluna düşməkdə israr etdi. Polislərə deyirdi ki, əks təqdirdə qol damarlarını doğrayacaq. Az keçmədi ki, ora Kamil Vəlişov 15 polislə gəldi. Qadına dedilər ki, onu Ali Məhkəməyə aparıb şikayətinə baxacaqlar. Ona yaxınlaşıb ülgücü almaq istəyəndə qadın damarlarını doğradı”.
Məsələ ilə bağlı Səbail RPİ-nin 9-cu polis bölməsinin növbətçi hissəsindən belə bir hadisənin baş verdiyini bildirsələr də, əlavə heç bir məlumat vermədilər.
Sevdimali_Pervin.