Müdafiə Nazirliyi qəzaya uğrayan MİQ-29 pilotlarının cəsədlərinin çıxarılması barədə məlumatına düzəliş edib

Müdafiə Nazirliyi yanvarın 29-da Xəzər dənizi üzərində qəzaya uğrayan MİQ-29 döyüş təyyarəsinin qalıqları və pilotlarının cəsədlərinin çıxarılması barədə məlumatına düzəliş edib. Nazirliyin mətbuat xidmətindən ANS PRESS-ə verilən məlumata görə, təyyarənin qalıqları və pilotlardan birinin – Əfqan Aslanovun cəsədi fevralın 24-də axşam saatlarında Xəzər dənizinin dibindən çıxarılıb. Dənizdə hava şəraiti qəflətən dəyişdiyindən digər pilot Fəxrəddin Əsgərovun cəsədi çıxarılmayıb.
Yanvarın 29-da Xızı rayonunun Şurabad kəndi yaxınlığında qəzaya uğrayan MİQ-29 döyüş təyyarəsinin hər iki pilotu - Fəxrəddin Əsgərov və Əfqan Aslanov həlak olub.