Fransanın «Renault» avtomobil şirkəti yeni «Koleos» krossoverinin şəkillərini dərc edib.

«APA-Economics»in məlumatına görə, yeni «Renault Koleos» avtomaşını «Nissan X-Trail» və «Nissan Qashqai» avtomobillərinin təkər bazasında yığılacaq. Hazırda Yaponiyanın «Nissan» və Fransanın «Renault» şirkətləri bir alyansda çıxış edir. Yeni modelin istehsalı isə Koreyanın «Samsung» zavodunda həyata keçiriləcək.

Yeni «Renault Koleos» iki növ dizel (hər ikisi 2,0 litr – 147 və 170 at gücündə) və bir benzin mühərriki ilə (2,5 litr – 168 at gücündə) təchiz olunacaq.

Qeyd edək ki, yeni modelin satış qiyməti hələ müəyyənləşdirilməyib. «Renault Koleos»un bazarda əsas rəqibləri isə «Peugeot 4007» və «Citroen C-Crosser» avtomobilləri olacaq.