Əlcəzair Rusiyadan aldığı 15 ədəd «MİQ» döyüş təyyarəsini təcili geri qaytaracaq. Bunu Rusiyanın Federal Xidmətinin hərbi-texniki əməkdaşlıq üzrə rəhbəri Mixail Dmitriyevə Əlcəzairin baş qərargah rəisi Saleh Əhməd Qaid bildirib.

«Media forum» saytı Rusiya KİV-inə istinadla xəbər verir ki, «Rusmüdafiəixrac», MİQ korporasiyası və Əlcəzairin Hərbi Hava Qüvvələri 2006-2007-ci illərdə Əlcəzairə verilən «MİQ»lərin qaytarılması haqda artıq saziş də imzalayıb.

Təyyarələr yaxın aylarda qaytarılacaq. Amma bununla iki ölkə arasındakı müqavilə tamamilə qüvvədən düşməyəcək. Rusiya əvəzində Əlcəzairə «MİQ-29M2», yaxud «MİQ-35» təklif edir. Bunların dəyəri isə «MİQ-29SMT»dən 5-10 milyon dollar bahadır.