Amma danışıqların nəticəsi barədə mətbuata heç bir açıqlama verilmir

   Xarici işlər Nazirliyində Xəzərin statusuna dair Azərbaycan və Türkmənistan işçi qrupunun bu gün keçirilən qapalı iclası başa çatıb. Amma danışıqların nəticəsi barədə mətbuata heç bir açıqlama verilmir. XİN mətbuat xidmətinin rəhbəri Xəzər İbrahim ANS PRESS-ə bildirib ki, danışıqlar başa çatmamış açıqlama verilməsi nəzərdə tutulmayıb. Danışıqlar sabah da davam etdirləcək.

İclasda rəsmi Aşqabadı Türkmənistanın xarici işlər nazirinin müavini Xoşgeldi Babayev təmsil edir.

Qeyd edək ki, Xəzər problemi üzrə iki ölkənin işçi qrupları arasındakı məsləhətləşmələr 1990-cı illərdə, Azərbaycan və Türkmənistan arasında siyasi münasibətlərin soyuduğu dövrdə dayanıb. Danışıqların yenidən bərpa edilməsi haqqında razılaşma bu il yanvarın 17-də Azərbaycanın xarici işlər nazirinin müavini Xələf Xələfovun Aşqabaddda həmkarı Rəşid Meredovla görüşündə əldə edilib./ANS PRESS/

© 2007 Bütün hüquqlar qorunur. Xəbərlərdən istifadə edərkən