Yanvarın 29-da Nizami rayonu Qara Qarayev küçəsi 47 ünvanında Qurban Hüseynova basqın edənlər hələ axtarılır. Bu barədə məlumatı "OLAYLAR"a Nizami rayon prokurorunun köməkçisi Eldar Rəhimov verib. Onun sözlərinə görə, Qurban Hüseynova edilən basqınla bağlı prokurorluqda cinayət işi başlansa da, hələlik faktla bağlı təqsirləndirilən yoxdur. İstintaq hazırda basqınçıların saxlanılması üçün əməliyyat axtarış tədbirlərini davam etdirir.

Qeyd edək ki, yanvarın 29-da "Binə" Ticarət Mərkəzindəki valyutadəyişmə məntəqəsində işləyən Qurban Hüseynov evinin qarşısında naməlum şəxslər tərəfindən silahlı hücuma məruz qalıb. Hücum nəticəsində maskalı şəxslər onu hədələyərək 30 min dollarını alıb hadisə yerindən qaçıb.