Elnur Hüseynov 1987-ci il martın 3-də Türkmənistanın Aşqabad şəhərində hərbiçi ailəsində anadan olub. Anası musiqi nəzəriyyəçisidir. 1992-ci ildə konservatoriya yanında istedadlı uşaqlar üçün ROXMİM-ə daxil olub, fortepiano sinfi üzrə təhsil alıb. 1999-cu ildə Bakıya gələrək, 2000-ci ildə Tibb Texnikumunda diş texniki fakultəsinə daxil olub. 2001-ci ildə Asəf Zeynallı ad. Musiqi məktəbinə daxil olur. Azərbaycan Dövlət Opera və Balet Teatrında işləyib. 2003-cü ildə “Sing your Song” tele-layihəsində “Qran-pri” mükafatına layiq görülüb. 2004-cü ildə məktəbi bitirdikdən sonra stilist-bərbər peşəsini öyrənib. M. Maqomayev ad. Azərbaycan Dövlət Filarmoniyasında kapella işləyib. Həmçinin kilsə xorunda da işləyib. Sevda Məmmədovadan və Fidan Hacıyevadan dərs alıb. Hal-hazırda Rəşad Həşimovdan dərs alır.

Aynur İsgəndərli 1987-ci il 20 avqustda Bakıda musiqiçi ailəsində doğulub. 1994-cü ildən 2005-ci ilə qədər 5 saylı ümumtəhsil məktəbində oxuyub. Paralel olaraq, 16 saylı 5 illik musiqi məktəbində fortepiano sinfində təhsil alıb. 7 yaşında “Hər birimiz bir çiçək” televiziya verlişinin solisti olub. Hələ məktəb yaşlarında ikən “Şərq ulduzları” uşaq vokal ansablı tərkibində böyük səhnələrdə konsertlərdə çıxış edib. 2004-cü ildə “Azəri star” tele-layihəsində iştirak edib 3-cü yeri tutub. 2005-ci ildə Azərbaycan Dövlət Mədəniyyət və İncəsənət Universitetinin estrada – vokal oxuma fakultəsinə daxil olub. Həmin il “8-ci Beynəlxalq Asiya Festivalında” iştirak edərək “ Gələcəyin ən perspektivli müğənnisi” nominasiyasını qazanıb. Hazırda 3-cü kurs tələbəsidir, Vagif Gərayzadənin rəhbərlik etdiyi “Augara” ansambılının solistidir. Həmçinin muğamla, jazla məşğul olur və şer yazır.

Unformal qrupu 2001-ci ilin oktyabrında B.İ.C. prodüser mərkəzi tərəfindən təşkil edilən Azerbaijan Rock Award Competition mükafatının təqdimetmə mərasimində ilin ən yaxşı qrupu elan edilərək “Qızıl Aypara” mükafatina layiq görülüb və öz debütünü edib.